Put your ad code here

ads here
Featured Posts

Most selected posts are waiting for you. Check this out

Stats

Archive

Comments

Follow me on Twitter

Recent Posts

Google search

Please like and share

My phone

Inhe bhi dekhe

Recent

Facebook men Ad Campaign kaise Create aur Publish karen?

advertise here

Facebook men Ad Campaign kaise Create aur Publish karen?


Facebook Ads apne business yaa brand ko promote karne kaa, apne products ki promotion karne kaa, conversions karvaane kaa, leads generate karne kaa yaa phir apni website par traffic praapt karne kaa ek bahut hi jyaadaa bdhiyaa tarikaa hai. mujhe lagtaa hai ki aap men se jyaadaatar logon ne Facebook Ads ke baare men sunaa to jrur hogaa lekin vaastav men try kabhi nahin kiyaa hogaa. esi kaaran hamne Facebook Ads ki introduction kaa post kuchh samay pahle publish kar diyaa thaa..

us article men hamne jaanaa thaa ki ye exactly hai kyaa aur eske kyaa-kyaa phaayde hain. lekin aaj ke es article men ham jaanenge ki aakhir aap enhen vaastav men apne laabh ke lia kaise use karen. dusre shabdon men aaj main, aapko ek example Facebook ad campaign create karke dikhaaungaa.

Facebook Campaign kyaa hai?
Facebook men advertise karne ke lia use hone vaale procedure ki ek ekaai ko campaign kahte hain.
aap ese aise samajh sakte hain ki maan lijiye aapki company ne koi nayaa product launch kiyaa hai jiski promotion ki responsiblity aapko di gayi hai. to aise men, yadi aap Facebook par advertise karnaa chaahte hain to aap ek ad campaign create karenge aur ye define karenge ki aapko ye promotion kitne dinon tak karni hai.

es advertisement process ko jab ham, limited period of time men karte hain, to use ek ad campaign kaa naam diyaa jaataa hai.
Facebook ne advertisers ke lia ek bahut hi bdhiyaa aur user-friendly Ads Manager platform create kiyaa hai jisse ki koi beginner bhi bdi hi jyaadaa aasaani se ads ko create karke publish kar saktaa hai.

to ye maan ke hi chal rahaa hun ki aap es Digital Marketing yaa kah lijiye Online Advertising field men nayen hain aur Facebook men ads kaise create karen jaannaa chaahte hain. to chalia shuru karte hain.

Facebook men Ad Campaign Create karne ki Step By Step Guide


sabse pahle aapko apne Facebook account men Login kar lenaa hai. phir aapko apne account ke dropdown menu men jaanaa hai. vahaan aapko kaaphi options milte hain, jisme Create Ads aur Manage Ads kaa option bhi shaamil hotaa hai. koi bhi nayaa ad campaign create karne ke lia, Create Ads ke option par click karen.

yadi aapne es option par first time click kiyaa hogaa to ye aapko brief intro degaa aur aapko nayaa Facebook Ads account create karne ke lia kahegaa. aapko bas account ko koi bhi naam dekar, create ke button par click karke, apnaa account create kar lenaa hai. har ek step men Facebook kaa interactive aur dynamic interface aapko puraa guide karegaa.

aapko Facebook ads ke interface men har ek option ke bagal men “i” kaa symbol dikhegaa. aap es par apnaa mouse ko hover karke, us option ke baare men jaan sakte hain. to basically ye ek helpful guiding option hai.

eske baad, aapke saamne Facebook Ads Creation kaa Main page open ho jaayegaa, jisme aapke saamne bahut saare prkaar ke Ad Campaign Types honge. aapko enme se apne hisaab se koi bhi ad campaign type chunnaa hai.

alag-alag types aapko alag-alag prkaar ki promotions men madad karegaa. yadi aapko bas apne brand kaa naam popular karvaanaa hai to aap Brand Awareness ko chun sakte hain, yadi aapko apni website par traffic chaahia to aap Traffic ko chun sakte hain, yadi aapko Conversions karvaani hain, to aap Conversions yaa phir Catalog Sales vaalaa option chun sakte hain. es prkaar any bahut saari considerations given hoti hain, jinme se aap koi bhi chun sakte hain, ye totally depend kartaa hai ki aapki requirement kyaa hai.

Facebook ke kisi bhi ad campaign ko create karne ke lia 4 Major Phases hote hain:

1) Marketing Objective ko chunnaa

 2)Ad Set ko Create karnaa

3) Ad ko Create karnaa

4) Review ke lia Submit karnaa

kisi bhi prkaar ke Facebook ad campaign ye chaar steps to hote hi hote hain. har ek step men further bahut saare options hote hain.

 ab ye options vary karte hain, alag-akag marketing objectives aur consideration ke hisaab se joki aap sabse pahle step men chunte hain.

ab har ek option ko to es article men explain nahin kiyaa jaa saktaa, kyonkin sabhi marketing objectives ke options kaa count to bahut jyaadaa ho jaayegaa.

 es lia es article men mainne aapko har ek phase kaa ek brief introduction diyaa hai jisse ki aap khud ad campaign ko create aur ko configure karne yogy ban paayen.


Marketing Objective ko chunna

Jaisaa ki mainne aapko pahle bhi bataayaa, jab aap Create Ads vaale section men account create kar lenge, to dubaaraa jab bhi aap es section men aayenge to ye sabse pahle step hogaa aur aapko esmen apne marketing objectives ko chunnaa hogaa jaise ki Brand Awareness, Lead Generation, Conversions aadi.


abhi tak Facebook men upalabdh sabhi Marketing Objectives kaa screenshot niche diyaa gayaa hai:


Ad Set ko Create karnaa


Ad Set men hamen basically ham ad campaign ki limits, audience, interests, budget aur placements aadi define karte hain. sabse pahle aapko Ad Set ko koi bhi naam de denaa hai aur phir usme audience kaa chunaav karnaa hai. esmen audience kaa chunaav location ke hisaab se hotaa hai ki aap kis jagah ke ghere men apni ad ko dikhaanaa chaahte hain. jaise ki Janakpuri, Delhi. yaa phir puraa desh, puraa koi shahar aadi.

aise hi aapko interest set karne hote hain ki Facebook aapki ad ko keval un logon ko dikhaaye joki aapke dvaaraa define ki gayi chijon men interested hon.

aap jis bhi hisaab se audience aur interest ko chunenge, Facebook aapko saath ke saath calculate karke ye bhi bataa degaa ki aap kam se kam aur jyaadaa se jyaadaa kitne logon tak apni ad ko pahunchaa sakte hain. Basically ye aapko estimated results bataataa hai.
eske baad, aapko define karnaa hotaa hai ki Facebook aapki ads ko kahaan-kahaan dikhaaa, jaise ki Instagram, Facebook Desktop Version, Mobile Version aadi par.


main aapko recommend karungaa ki yadi aap ek beginner hain to aap ese Automatic Placements par hi rahne de. es option se Facebook khud aapke lia ads ko alag-alag locations par dikhaayegaa.
eske baad aapko apnaa budget set karnaa hotaa hai ki aap es particular ad campaign par kitnaa aisaa kharchnaa chaahte hain. yadi aap kisi do yaa do se jyaadaa dinon ke bich men ad run karnege to aapko apnaa daily budget bhar denaa hai aur aap ese weekly basis par bhi set kar sakte hain.


Ad ko Create karnaa


es option men aapko ad ko actually create karnaa hotaa hai. aap ad ke lia yaa to ek new ad create kar sakte hain yaa phir apne kisi Facebook page ke kisi post ko ad ke rup men chun sakte hain.

aapko har ek ad type ke saath kisi n kisi Facebook page ko link karnaa hi hotaa hai kyonki Facebook aapki ads ko aapke Facebook Page ke behalf par hi dikhtaa hai. yaani ki aapki har ek ad men aapke Facebook ke link kiye gaye page kaa hi naam hogaa.


eske baad aapko Ad kaa format chunnaa hai aur us format ke hisaab se images aur videos aadi upload karke, ad ko complete banaanaa hai. Facebook aapko bahut saare ad format options detaa hai jaise ki Full-ScreenExperience, Carousel, Multiple Images, Single Image, Single Video, Combination of All Formats type etc.

eske baad aapko Call To Action button yaa proper links vageraa ad kar dene hain, ye options totally aapke marketing objectives ke hisaab se depend karte hain aur alag-alag hote hain. har ek option ke aage, further advanced options hote hain jisse ki aap apne ad campaign ko highly customize tarike se run kar sakte hain.

Review ke lia Submit karnaa


jab aap AdSet aur Ad donon completely create kar lete hain, to aapko apni ad ko Facebook ke review phase ke lia submit kar denaa hai. phir aapko Approval kaa wait karnaa hogaa. kayi baar approval kuchh hi minutes men mil jaataa hai aur kayi baar kuchh ghanto kaa samay bhi lag jaataa hai.

ek baar jab aapko Approval mil jaataa hai to aapki ad schedule ke hisaab se run hoti hai aur uske complete hone par aapko results aapke Ads Manager men dikhte hain. aap Results ko Excel yaa CSV format men Ads Manager se export kar sakte hain.
mainne apne Ad account se alag-alag campaigns run kiye hua hain, jinkaa result aap niche dekh sakte hain.


jab aap apnaa pahle Ad campaign create karte hain to ye last step se aapkaa jitnaa bhi budget hai utne paise account men ad karne ke lia kahtaa hai aur account creation ke samay ye aapne aapki desired currency bhi puchhtaa hai.
jitne bhi aapke campaign ko run karne ke lia paise lagenge, utne paise aapko pahle apne account men add karne hote hain. aap kisi bhi samay paison ko Payment Settings men jaakar add kar sakte hain. Facebook aapko Card, Net Banking aur PayTM payment options provide kartaa hai.


mujhe aashaa hai ki es article se Facebook Ad campaign create aur run karne ke lia aapko paryaapt jaankaari mil gayi hogi!

aise hi aur informational Posts pdhte rahne ke lia aur naye blog posts ke baare men Notifications praapt karne ke lia hamaare Subscribe kijiye.es blog post se sambandhit kisi bhi tarah kaa prashn puchhne ke lia niche comment kijiye.

Click to comment